اسلام آباد: ذرائع کا کہنا ہے کہ 8 فروری 2024 کو ہونے والے کے عام انتخابات کیلئے بیلٹ پیپرز کی چھپائی کا کام مکمل کر لیا گیا ہے جبکہ ملک بھر میں بیلٹ پیپرز کی ترسیل آج مکمل کر لی جائے گی۔
تفصیلات کے مطابق ملک بھر میں بیلٹ پیپرز کی ترسیل آج مکمل کر لی جائے گی، عام انتخابات کیلئے قومی و صوبائی کے 859 حلقوں کیلئے 26 کروڑ بیلٹ پیپرز کی چھپائی مکمل کی گئی۔
ذرائع کے مطابق پرنٹنگ کارپوریشن آف پاکستان نے بیلٹ پیپرز کی چھپائی کا کام مکمل کر لیا، بیلٹ پیپرز اور انتخابی سامان کی ترسیل شروع کردی گئی، سامان کی ترسیل کیلئے پرنٹنگ کارپوریشن کے باہر سیکیورٹی کے سخت انتظامات کیے گئے ہیں۔
پرنٹنگ کارپوریشن آف پاکستان نے چھپائی سے متعلق الیکشن کمیشن کو آگاہ کر دیا، الیکشن کمیشن کی منظوری کے بعد سامان متعلقہ ریٹرننگ افسران کو روانہ کیا جارہا ہے، پرنٹنگ کارپوریشن نے اسلام آباد، کے پی اور نارتھ ریجن کے بیلٹ پیپرز کیپرنٹنگ کی۔
