spot_img

تازہ ترین

کراچی میں موسلا دھار بارش کا کوئی امکان نہیں، چیف میٹرولوجسٹ

چیف میٹرولوجسٹ سردار سرفراز نے کہا ہے کہ کراچی...

ایاز صادق قومی اسمبلی کے اسپیکر منتخب

مسلم لیگ ن کے سردار ایاز صدیق قومی اسمبلی...

کمالیہ: بارش میں گھر کی چھت گر گئی، ماں باپ اور بیٹا جاں بحق

کمالیہ کے علاقے فاضل دیوان میں مسلسل اور تیز...

حکومت نے پیٹرول کی قیمت میں اضافہ کردیا

نگراں حکومت نے پیٹرول کی قیمت میں 4 روپے...

الیکشن 2024 پاکستان: اس بار 2018 سے زائد کاغذات نامزدگی مسترد کیے گئے

قومی اور صوبائی اسمبلیوں کے کاغذات نامزدگی اور اپیلوں کے اعداد و شمار جاری کردیے گئے، اس بار پہلے سے زیادہ کاغذات نامزدگی مسترد کیے گئے۔

تفصیلات کے مطابق عام انتخابات2024 میں پچھلی بار 2018 میں ہونے والے انتخابات سے زائد کاغذات نامزدگی مسترد کیے گئے ہیں۔ 2024 میں قومی اسمبلی امیدواروں کے 13.70 فیصد کاغذات نامزدگی مسترد ہوئے۔

ذرائع کا کہنا ہے کہ 2018 میں قومی اسمبلی امیدواروں کے 10.4 فیصد کاغذات نامزدگی مسترد کیے گئے تھے۔ ملک بھر میں انتخابی ٹریبونلز نے قومی اسمبلی کے 68.56 فیصد امیدواروں کی اپیلیں منظور کیں۔

پاکستان بھرمیں انتخابی ٹریبونلز نے قومی اسمبلی کے 31.43 فیصد امیدواروں کی اپیلیں مسترد کیں۔ ٹریبونلز نے صوبائی اسمبلیوں کے 66.66 فیصد امیدواروں کی اپیلیں منظورکیں۔

ذرائع نے بتایا کہ ٹریبونلز نے صوبائی اسمبلیوں کے 33.33 فیصد امیدواروں کی اپیلیں مسترد کیں۔ قومی اور صوبائی اسمبلیوں کیلئے جمع 88.06 فیصد کاغذات نامزدگی منظور کیے گئے

قومی اور صوبائی اسمبلیوں کیلئے جمع 11.93 فیصد کاغذات نامزدگی مسترد ہوئے۔ قومی و صوبائی اسمبلیوں کیلئے دائر اپیلوں میں سے 67.38 فیصد اپیلیں منظور ہوئیں جبکہ 32.61 فیصد اپیلوں کو مسترد کردیا گیا۔

ذرائع نے بتایا کہ قومی اسمبلی کیلئے جمع 86.29 فیصد کاغذات نامزدگی ریٹرننگ افسران نے منظور کرلیے تھے۔ صوبائی اسمبلیوں کیلئے جمع 88.78 فیصد کاغذات نامزدگی ریٹرننگ افسران نے منظورکیے۔

Comments

- Advertisement -