پاکستان پیپلز پارٹی کو 8 فروری کو ہونے والے عام انتخابات کے نتائج سسٹم پر تحفظات کا اظہار ہے اور اس حوالے سے وہ الیکشن کمیشن سے رجوع کرے گی۔
اے آر وائی نیوز کو ذرائع سے ملنے والی اطلاعات کے مطابق پاکستان پیپلز پارٹی کو 8 فروری کو ہونے والے عام انتخابات کے نتائج کے لیے استعمال کیے جانے والے سسٹم پر تحفظات ہیں اور اس حوالے سے پی پی نے نتائج کے نظام کو شفاف بنانے کے لیے الیکشن کمیشن کو درخواست دے گی۔
پی پی ذرائع کا کہنا ہے کہ الیکشن کمیشن آر ٹی ایس طرز پر ایپلی کمیشن متعارف کرانا چاہتا ہے جب کہ پارٹی کی رائے یہ ہے کہ الیکشن کمیشن کی اس نئی ایپ سے مسائل کا سامنا ہوسکتا ہے۔
پیپلز پارٹی کی تجویز ہے کہ پریزائیڈنگ افسران کی جانب سے ریٹرننگ افسر کو واٹس ایپ پر نتائج بھیجے جائیں اور یہی فارم 45 کا رزلٹ پولنگ ایجنٹس کو بھی واٹس ایپ پر بھیجا جائے۔
ملک بھر سے بروقت نتائج الیکشن کمیشن بھیجنے کے لیے کیا انتظامات کیے گئے ہیں؟
واضح رہے کہ الیکشن کمیشن نے الیکشن 2024 میں الیکشن مینجمنٹ سسٹم (ای ایم ایس) کا استعمال کرنے کا فیصلہ کیا ہے۔ ای ایم ایس سے نتائج انٹرنیٹ اور بغیر انٹرنیٹ کے بھی بھیجے جا سکیں گے۔
