The news is by your side.

Advertisement

الیکشن کمیشن کی عدالتی سرگرمیاں بحال، اہم مقدمات کی سماعت

اسلام آباد : ملک بھر میں کرونا لاک ڈاؤن کی نرمی کے بعد عدالتی کارروائیاں شروع کرنے کی تیاریاں کرلی گئی ہیں، دو ماہ بعد الیکشن کمیشن کی عدالتی سرگرمیاں آج سے بحال کردی گئیں۔

تفصیلات کے مطابق الیکشن کمیشن آف پاکستان نے عالمی وبا کورونا وائرس کے پھیلاؤ کو روکنے کے پیش نظر عدالتی کارروائی2ماہ کیلئے مؤخر کردی تھی، تاہم دو ماہ بعد  الیکشن کمیشن میں عدالتی کارروائی آج سے دوبارہ شروع ہو گی۔

اس حوالے سے ذرائع کا کہنا ہے کہ الیکشن کمیشن نے زیرالتوا مقدمات سماعت کیلئے مقرر کردیئے ہیں، الیکشن کمیشن کی جانب سے کاز لسٹ جاری کردی گئی ہے جس کے مطابق پی ٹی آئی فنڈنگ سے متعلق اسکروٹنی کمیٹی کی کارروائی پر سماعت آج ہوگی۔

الیکشن کمیشن نے احسن اقبال کو پی ٹی آئی فارن فنڈنگ کیس میں طلب کر رکھا ہے، اس کے علاوہ مسلم لیگ ن کیخلاف مبینہ ممنوعہ ذرائع سے پارٹی فنڈنگ کیس کی سماعت بھی ہوگی۔

الیکشن کمیشن میں پی ٹی آئی رہنما فیصل واوڈا کیخلاف4درخواستوں پر سماعت بھی آج ہوگی، یاد رہے کہ فیصل واوڈا پر دہری شہریت سے متعلق جعلی حلف نامہ جمع کرانے کا الزام ہے۔

Comments

یہ بھی پڑھیں