سینیٹر حامد خان نے کہا ہے کہ الیکشن کمیشن کو کام پر لگایا گیا ہے کہ ہرطرح سے پی ٹی آئی کے ساتھ ناانصافی کرنی ہے۔
اے آر وائی کے پروگرام میں گفتگو کرتے ہوئے سینیٹر حامد خان نے کہا کہ بانی پی ٹی آئی قومی ادارے کی مضبوطی چاہتے ہیں دوسری کوئی رائے نہیں، گزشتہ 2 سال سے پی ٹی آئی کو انتقام کا نشانہ بنایا جارہا ہے۔
حامد خان نے کہا کہ سپریم کورٹ کے فیصلے کے بعد الیکشن کمیشن مکمل طور پر نااہل ہوچکی ہے، سپریم کورٹ نے فیصلہ میں کہا تھا کسی کو ابہام ہے تو رجوع کرسکتا ہے۔
انھوں نے کہا کہ الیکشن کمیشن ابہام پیدا کررہا ہے، فیصلے پرعملدرآمد میں تاخیری حربہ ہے، اسپیکر قومی اسمبلی بھی نوٹیفائی نہیں کرتے تو توہین عدالت کی کارروائی ہوگی۔
حامد خان نے کہا کہ کسی بینچ میں بیٹھنا چاہیے یا نہیں یہ جج کا اپنا فیصلہ ہوتا ہے، آئین کے مطابق اکتوبر میں سینئر ترین جج جسٹس منصورعلی شاہ کو چیف جسٹس بننا ہے۔
