اسلام آباد : الیکشن کمیشن نے پنجاب اور سندھ میں بلدیاتی انتخابات کا نیا شیڈول جاری کر دیا ہے، دونوں صوبوں میں پہلے مرحلے میں پولنگ اب 12اکتوبر کی بجائے31 اکتوبر کو ہو گی۔ جس کے لئے تفصیلی شیڈول 26اگست کو جاری کیا جائے گا۔

الیکشن کمیشن کا کہنا ہے کہ صوبوں کے ساتھ مشاورت کے بعد فیصلہ کیا گیا ہے کہ سندھ اور پنجاب میں بلدیاتی انتخابات کے دوسرے مرحلے میں پولنگ 19 نومبر کو کروائی جائے گی جس کا شیڈول3 ستمبر کا جاری کیا جائے گا ۔

تیسرے مرحلے میں پولنگ 3 دسمبر کوہو گی، جس کیلئے شیڈول31 ستمبرکو جاری کیا جائے گا ۔ پہلے مرحلے میں پنجاب میں ملتان ڈویژن، ساہیوال، بہاولپور، فیصل آباد، سرگودھا، لاہور اور گجرنوالہ کے علاوہ راولپنڈی ڈویژن کے بعض علاقوں میں انتخابات ہوں گے۔

سندھ میں پہلے مرحلے میں سکھر اور لاڑکانہ ڈویژن میں انتخابات کرائے جائیں گے۔