اسلام آباد : الیکشن کمیشن نے حلقہ بندیوں کا دورانیہ کم کر دیا اور کہا جتنی جلدی ممکن ہوں گی حلقہ بندیاں مکمل کی جائیں گی۔
تفصیلات کے مطابق چیف الیکشن کمشنر کی زیر صدارت اجلاس ہوا ، جس میں حلقہ بندیوں کا دورانیہ پر غور کیا گیا اور انتخابات کے شیڈول کے حوالے سے مشاورت کی گئی۔
اجلاس کے اعلامیے میں کہا گیا کہ الیکشن کمیشن نے حلقہ بندیوں کا دورانیہ کم کر دیا ہے، 30نومبر کوحلقہ بندیوں کی حتمی اشاعت کی جائیگی۔
- Advertisement -
اعلامیہ الیکشن کمیشن میں کہا کہ جتنی جلدی ممکن ہوں گی حلقہ بندیاں مکمل کی جائیں گی ،حلقہ بندیوں کی تاریخ مدنظر رکھتے ہوئے الیکشن کااعلان کیا جائے گا۔
الیکشن کمیشن کا کہنا ہے کہ حلقہ بندی کےدورانیے کوکم کرنے کامقصد جلد الیکشن کا انعقاد ہے۔
