الیکشن 2018، کامیاب امیدواروں کا نوٹی فکیشن کل جاری ہوگا
The news is by your side.

Advertisement

الیکشن 2018، کامیاب امیدواروں کا نوٹی فکیشن کل جاری ہوگا

اسلام آباد: الیکشن کمیشن آف پاکستان (ای سی پی) عام انتخابات دوہزار اٹھارہ میں کامیاب ہونے والے پارلیمنٹرینز کی کامیابی کا نوٹی فکیشن کل جاری کرے گا۔

تفصیلات کے مطابق عام انتخابات دو ہزاراٹھارہ میں جیتنے والے پارلیمینٹیزکی کامیابی کانوٹی فیکیشن الیکشن کمیشن آف پاکستان کی جانب سےجاری کیاجائے گا۔

ذرائع کے مطابق نوٹی فکیشن ان امیدواروں کا جاری کیاجائے گاجو انتخابی اخراجات کے گوشوارے جمع کرواچکے، 9 حلقوں کے امیدواروں کو انتخابی میدان میں کامیابی کا سرٹیفکیٹ جاری نہیں کیا جائے گا کیونکہ ان نشستوں کے معاملات عدالتوں میں جاچکے۔

دوسری جانب الیکشن کمیشن کا کہنا ہے کہ قومی اسمبلی میں اقلیتوں کی 10 مخصوص نشستیں ہیں جن میں سے 5 تحریک انصاف، مسلم لیگ ن اور پیپلزپارٹی کو 2 اور متحدہ مجلس عمل کو ایک ملنے کا امکان ہے۔

جن حلقوں کے امیدواروں کی کامیابی کو نوٹی فکیشن جاری نہیں ہوگا اُن میں قومی اسمبلی کا حلقہ این اے 131 بھی ہے جہاں سے تحریک انصاف کے چیئرمین عمران خان کامیاب ہوئے تھے البتہ خواجہ سعد رفیق نے دوبارہ گنتی کی درخواست لاہور ہائی کورٹ میں جمع کرائی جسے عدالت نے منظور کرلیا۔

لاہور ہائی کورٹ نے دوبارہ گنتی کا حکم دیتے ہوئے الیکشن کمیشن آف پاکستان کو ہدایت دی ہے کہ وہ عمران خان کی کامیابی کا نوٹی فکیشن روک دے اور درخواست پر فیصلہ آنے کے بعد اسے جاری کیا جائے۔

یاد رہے کہ مسلم لیگ ن کے امیدوار نے قومی اسمبلی کی سیٹ پر شکست تسلیم کرنے سے انکار کرتے ہوئے مسترد شدہ ووٹوں کی دوبارہ گنتی کی درخواست دائر کی تھی۔

مسترد شدہ ووٹوں کی گنتی کے بعد بھی عمران خان فاتح قرار پائے تھے مگر سعد رفیق نے شکست تسلیم کرنے سے کیا اور  ہائی کورٹ کا دروازہ کھٹکھٹا دیا۔

واضح رہے کہ 25 جولائی کو ملک بھر میں قومی اسمبلی کی 272 جبکہ صوبائی اسمبلی کی نشستوں پر بھی انتخابات کا انعقاد کیا گیا تھا، ایوان بالا میں تحریک انصاف 216 سیٹیں حاصل کرنے کے بعد ملک کی سب سے بڑی جماعت بن گئی۔

الیکشن کمیشن آف پاکستان نے گزشتہ دنوں الیکشن میں فتح حاصل کرنے والے امیدواروں کو نوٹس جاری کیا تھا کہ وہ اپنے گوشوارے جمع کرائیں تاکہ کامیابی کا نوٹی فکیشن جاری ہوسکے۔

Comments

comments

یہ بھی پڑھیں