بدھ, جولائی 2, 2025
اشتہار

قبائلی علاقوں کی 16 صوبائی نشستوں پر انتخابات کی تیاریاں مکمل

اشتہار

حیرت انگیز

پشاور: خیبرپختونخواہ کے قبائلی علاقوں کی صوبائی نشستوں پر انتخابات کی تیاریاں مکمل ہوگئیں، ذرائع کے مطابق 16 نشستوں پر الیکشن جون کے آخری ہفتے میں ہونے کا امکان ہے۔

ذرائع کے مطابق الیکشن کمیشن نے قبائلی علاقوں کی 16 نشستوں کے انتخابی عملہ کی ٹریننگ کا شیڈول طے کر لیا، جس کے تحت 19 اپریل سے 26 اپریل تک 57 ڈسٹرکٹ ریٹرننگ ، ریٹرننگ اور اسسٹنٹ ریٹرننگ افسران کو تربیت دی جائے گی۔

ذرائع کا کہنا تھا کہ کہ 23 اپریل سے 30 اپریل تک 74 ماسٹر ٹرینرز کو تربیت دی جائےگی، جس کے بعد پریزائیڈنگ افسران،اسسٹنٹ پریزائیڈنگ افسران اور پولنگ افسران کو مرحلہ وار ٹریننگ دی جائے گی۔ ذرائع کا یہ بھی کہنا تھا کہ 2 مئی سے 4 مئی تک مانیٹرنگ ٹیموں کو ٹریننگ دی جائے گی جبکہ ماسٹر ٹرینرز 10 جون سے 16 جون تک پریزائیڈنگ افسران اور اسسٹنٹ پریزائڈنگ افسران کو تربیت دیں گے اسی طرح 17 سے 23 جون تک پولنگ افسران کو ٹریننگ دی جائےگی۔

یاد رہے کہ وزیراعظم عمران خان نے پانچ اپریل کو قبائلی علاقے جمرود میں جلسے سے خطاب کیا تھا، جس میں اُن کا کہنا تھا کہ 1948 میں قبائلی عوام نے کشمیریوں کا بھرپور ساتھ دیا، قبائلیوں نے بہت مشکلات کا سامنا کیا، انہیں نقل مکانی کرنا پڑی، قبائلیوں نے کن مشکلات کا سامنا کیا، اس بات سے بخوبی واقف ہوں۔

عمران خان کا کہنا تھا معاشی رہاداری بنائیں گےتاکہ خیبرکےلوگوں کوروزگارملے، آپ میں تفرقہ ڈالنےکی کوشش کی جائےگی کہ فاٹا کا انضمام نہ ہو مگر نوجوانوں کو اب اپنے مستقبل کے  لیے کھڑے ہونا ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں