اسلام آباد : الیکشن کمیشن نےسیاسی جماعتوں کےانتخابی نشانات کی تفصیل آراوز کو بھجوا دی تاہم پاکستان تحریک انصاف کا انتخابی نشان نہیں بھیجا۔
تفصیلات کے مطابق الیکشن 2024 کی تیاریاں زور شور سے جاری ہے ، الیکشن کمیشن نےسیاسی جماعتوں کےانتخابی نشانات کی تفصیل آراوز کو بھجوا دی۔
الیکشن کمیشن کی جانب سے پاکستان تحریک انصاف کا انتخابی نشان ریٹرننگ افسران کو نہیں بھجوایا گیا۔
الیکشن کمیشن نے ڈی آر اوز، قومی اور صوبائی اسمبلیوں کے ریٹرننگ افسران کو مراسلہ جاری کردیا ہے، جس میں کہا ہے کہ سیاسی جماعتوں کی جانب سےنامزدامیدوارکومتعلقہ انتخابی نشان الاٹ کیاجائے، سیاسی جماعتوں کے انتخابی نشانات کسی آزاد امیدوار کو نہ دیے جائیں۔
مراسلے میں کہنا تھا کہ ریٹرننگ افسران کو آزاد امیدواروں کیلئے الگ انتخابی نشانات کی فہرست بھجوا دی گئی، فہرست میں موجودانتخابی نشانات کےعلاوہ کوئی نشان امیدوارکو نہ دیا جائے۔
تحریک انصاف سمیت کئی سیاسی جماعتوں کا نام انتخابی نشانات والی فہرست میں شامل نہیں۔
