اسلام آباد: الیکشن کمیشن نے پاکستان تحریک انصاف کے رہنما بیرسٹر گوہر کے پولنگ انتظامات سے متعلق بیان پر وضاحت دی ہے۔
اے آر وائی نیوز کے مطابق الیکشن کمیشن آف پاکستان کے ترجمان کا کہنا ہے کہ بونیر میں بھی پولنگ کیلئے بہتراور مناسب انتظامات کیے گئے ہیں۔
الیکشن انتظامات سے مطمئن نہیں ہوں: بیرسٹر گوہر
الیکشن کمیشن ترجمان کے مطابق ضلع بونیر میں 397 پولنگ اسٹیشنز قائم کیے گئے ہیں، 4604پولنگ عملہ، 3029 پولیس اہلکار، 32 کیو آر فورس کے اہلکار تعینات ہیں۔
ترجمان نے مزید کہا کہ ضلع بونیر میں خوشگوار ماحول میں پولنگ کا عمل اب تک جاری ہے۔
واضح رہے کہ آبائی حلقے میں ووٹ کاسٹ کرنے کے بعد بیرسٹر گوہر نے کہا تھا کہ انتخابات کے انتظامات سے مطمئن نہیں ہوں۔ ابھی تک جو اطلاعات ہیں وہ مایوس کن ہیں۔ انٹرنیٹ سروس بند کردینے سے شکوک وشبہات پیدا ہوئے ہیں۔
