لاہور: ملک میں 8 فروری کو ہونے والے الیکشن کیلئے پوسٹل بیلٹ پیپرز کا اجرا شروع کردیا، اہل افراد 22جنوری تک اپنا ووٹ کاسٹ کرسکیں گے۔
تفصیلات کے مطابق الیکشن کمیشن نے انتخابات کیلئے پوسٹل بیلٹ پیپرز کا اجرا شروع کردیا، ،ذرائع نے بتایا کہ پوسٹل بیلٹ پیپرسے اہل افراد 22جنوری تک اپنا ووٹ کاسٹ کرسکیں گے۔
جوسرکاری ملازمین اور اہل خانہ الیکشن کے دن متعلقہ حلقوں سے دور ڈیوٹی پر ہوں گے وہ یہ سہولت حاصل کرسکتے ہیں۔
مختلف مقدمات میں زیر حراست قیدی او رملزمان بھی پوسٹل بیلٹ ووٹ کے اہل ہوتے ہیں جبکہ جسمانی معذوری والے افراد بھی پوسٹل بیلٹ پیپر سے اپنا ووٹ کاسٹ کر سکتے ہیں۔
درخواست فارم پر ڈی آراو کے دفتر اور الیکشن کمیشن کی ویب سائٹ سے بھی ڈاؤن لوڈ کی جاسکتی ہے۔
