کراچی : کمشنر کراچی سہیل راجپوت نے الیکشن 2024 کے پیش نظر ملازمین کی چھٹیاں منسوخ کردیں اور ہدایت کی ملازمین متعلقہ آراوز کے روبرپیش ہو جائیں۔
تفصیلات کے مطابق الیکشن 2024 میں انتخابی عملے کی کمی پوری کرنے کے لئے انتظامیہ متحرک ہیں ، کمشنر کراچی سہیل راجپوت نے ملازمین کی چھٹیاں منسوخ کردیں۔
کمشنر کراچی نے رپورٹ میں کہا کہ الیکشن قومی فریضہ ہے ہر ممکن اقدامات کیے جارہے ہیں ، کراچی ڈویژن 67420عملہ مختص کیا گیاہے، ایک بڑی تعداد میں ملازمین نے غیرضروری طور پر چھٹیاں لیں، جن کی چھٹیاں منسوخ کردی گئیں۔
رپورٹ میں کہنا تھا کہ ملازمین متعلقہ آراوز کے روبرپیش ہو جائیں، آراو ،ڈی آراو کےتوسط سےغیر حاضر ملازمین کی رپورٹ پیش کریں ، رپورٹ تادیبی کارروائی کے لئے چیف سیکرٹری کو پیش کی جائے گی۔
انتخابات کیلئے پولنگ اسٹاف کودی جانیوالی غیر ضروری چھٹیوں اوررعایت کی منسوخی کے معاملے پر کمشنر نے کراچی ڈویژن کےتمام ڈسٹرکٹ ریٹرننگ افسران اور ریٹرننگ افسران کومراسلہ جاری کردیا ہے۔
مراسلے میں کہا گیا ہے کہ بعض پولنگ اسٹاف کوبغیر کسی وجہ کے چھٹیاں دی گئی ہیں، خدشہ ہے غیر ضروری اقدام سے الیکشن کے دن پولنگ عملےکی کمی ہو سکتی ہے، الیکشن ڈے پرعملے کیلئے 67ہزار420اسٹاف پورا کرنے کیلئےکوششیں کی گئی ہیں۔
کمشنرکراچی کا کہنا تھا کہ آج تک دی گئی تمام رعایت اورچھٹیاں فوری منسوخ کر دی جائیں، جو ڈیوٹی پرواپس رپورٹ کرنےمیں ناکام ہوں انکی اطلاع چیف سیکرٹری کو بھیجیں، متعلقہ آراوزالیکشن ڈےپرپولنگ عملے کی حاضری یقینی بنانے کےذمہ دار ہیں۔
