کراچی : ملک بھر میں ہونے والے عام انتخابات میں پولنگ کا مرحلہ مکمل ہونے کے بعد ووٹوں کی گنتی کا سلسلہ جاری ہے۔
اس حوالے سے اے آر وائی نیوز کی جانب سے غیرحتمی و غیرسرکاری نتائج کی تازہ ترین اپڈیٹ کی فراہمی کا تسلسل بھی برقرار ہے۔
رپورٹ کے مطابق خیبرپختونخوا میں قومی اسمبلی کے حلقہ این اے 25 چارسدہ ٹو میں عوامی نیشنل پارٹی کے ایمل ولی خان 315 ووٹ لے کر آگے ہیں۔
- Advertisement -
دوسری جانب ان کے مدمقابل جمیعت علماء اسلام کے گوہر شاہ نے 165 ووٹ حاصل کیے ہیں۔ سال 2018میں ہونے والے الیکشن میں اس حلقے سے اے این پی کے سربراہ اسفند یار ولی نشست ہار گئے تھے۔
واضح رہے کہ اے آر وائی نیوز نے ذمہ دارانہ رپورٹنگ کا مظاہرہ کرتے ہوئے مستند اور تازہ ترین نتائج ناظرین تک پہنچانے کی روایت کو برقرار رکھا ہے، ملک بھر سے اے آر وائی نیوز کو ابتدائی نتائج موصول ہو رہے ہیں۔
