عام انتخابات کے بعد وفاق سمیت چاروں صوبوں میں حکومت سازی کا عمل شروع ہو چکا سندھ کا نیا وزیراعلیٰ کون ہوگا نام کا اعلان آئندہ چند روز میں متوقع ہے۔
اے آر وائی نیوز کے مطابق 8 فروری کو ہونے والے عام انتخابات کے بعد اب وفاق سمیت چاروں صوبوں میں حکومت سازی کا عمل شروع ہو چکا ہے۔ سندھ میں پاکستان پیپلز پارٹی تنہا اپنی حکومت بنانے کے لیے دو تہائی اکثریت حاصل کر چکی ہے تاہم اب تک پی پی نے صوبے کی وزارت اعلیٰ کے لیے کسی کو نامزد نہیں کیا ہے۔
اس حوالے سے ذرائع کا کہنا ہے کہ سندھ کے نئے وزیر اعلیٰ کے لیے نام کا اعلان آئندہ چند روز میں متوقع ہے اور اس عہدے کے لیے سابق وزیراعلیٰ سندھ مراد علی شاہ اور سابق صوبائی وزیر مراد علی شاہ سب سے مضبوط امیدوار ہیں۔
پارٹی ذرائع کے مطابق کچھ پی پی رہنماؤں کی فریال تالپور کو پہلی خاتون وزیراعلیٰ نامزد کرنے کی تجویز بھی سامنے آئی ہے۔
ذرائع نے بتایا کہ پی چیئرمین بلاول بھٹو ایک بار پھر مراد علی شاہ کو ہی وزیراعلیٰ بنانا چاہتے ہیں اور نئے وزیراعلیٰ سندھ کا حتمی فیصلہ آصف زرداری اور بلاول بھٹو کی باہمی مشاورت سے ہوگا۔
