عام انتخابات، تین ہزار سے زائد ڈیٹا انٹری آپریٹرز آراوز کی معاونت کریں گے

عام انتخابات کے لیے 3600 ڈیٹا انٹری آپریٹرزکی خدمات آراوز کو مہیا کی جائیں گی، ملازمین کے لیے جامع ٹریننگ پروگرام کا انعقاد بھی کیا جائے گا۔

الیکشن کمیشن کی جانب سے عام انتخابات کی تیاریاں جاری ہیں، الیکشن کے لیے 3600 ڈیٹا انٹری آپریٹرزکی خدمات آراوز کو مہیا کرنے کی اجازت دے دی گئی ہے۔ ملازمین کی استعداد کار بڑھانے کے سلسلے میں جامع ٹریننگ پروگرام منعقد کرنے کا فیصلہ کیا گیا ہے۔

الیکشن کمیشن کا کہنا ہے کہ یہ تربیت 4 سے 16 ستمبرتک 16مختلف شہروں میں کی جائے گی، تربیت کامقصد انتخابی عمل میں شفافیت لانا اور کام کو بروقت مکمل کرنا ہے۔

حکام کا کہنا تھا کہ ٹریننگ کی مانیٹرنگ کے لیے جدید سسٹم بھی تیار کیا گیا ہے، 25 سینئر افسران اِس ٹریننگ کی مانیٹرنگ اور نگرانی کریں گے۔

Comments