بنگلورو : بھارت میں سڑک پر چلتی کار میں اچانک خوفناک آگ بھڑک اٹھی جس کے نتیجے میں کار جل کر تباہ و برباد ہوگئی۔
بھارتی میڈیا رپورٹ کے مطابق یہ واقعہ جے پی نگر کے ڈالمیا سرکل میں گزشتہ روز پیش آیا جس میں کسی کی موت یا پھر جھلسنے کی کوئی اطلاع نہیں ملی ہے تاہم کار مکمل طور پر خاکستر ہوگئی۔
سوشل میڈیا پر وائرل ہونے والی ایک ویڈیو میں بھارتی ریاست کرناٹک کے شہر بنگلورو میں ایک الیکٹرک کار کو سڑک کے بیچوں بیچ بلند بالا شعلوں میں گھرے ہوئے دیکھا جاسکتا ہے۔
#Bengaluru: An #electric #car caught #fire near Dalmia Circle in #JPNagar area today. No casualties. Reason is yet to be ascertained.#Karnataka #EV #ElectricVehicles #india pic.twitter.com/z7rVVxgJSn
— Siraj Noorani (@sirajnoorani) September 30, 2023
سماجی رابطے کی ویب سائٹ ایکس پر ویڈیو پوسٹ کرنے والے صارف کے مطابق جب کار جے پی نگر کے ڈالمیا سرکل پر پہنچی تو اس میں اچانک آگ لگ گئی۔ تاہم واقعے میں جانی نقصان کی کوئی اطلاع نہیں ہے اور آگ لگنے کی وجہ تاحال معلوم نہیں ہوسکی ہے۔
واضح رہے کہ اس سے قبل عام پیٹرول گاڑیوں میں اندرونی خرابی کی وجہ سے آگ لگنے کے واقعات پیش آچکے ہیں جس کی شکایت پر کمپنی نے نوٹس لیتے ہوئے ان ماڈلز کی گاڑیوں کو واپس منگوا کر اس کی مرمت کے کے خرابی دور کی۔
موجودہ دور میں ایندھن سے چلنے والی گاڑیوں کی جگہ الیکٹرک گاڑیوں نے بہت تیزی سے لے ہے لیکن بیٹریوں سے چلنے والی ان گاڑیوں پر حفاظتی پہلو کے حوالے سے سنگین سوالات اٹھائے جارہے ہیں۔