کرچی چیمبر آف کامرس نے بجلی کے بلوں میں ریلیف کو سندھ کی عوام و تاجر برادری کی بقا کیلئے اشد ضروری قرار دیدیا۔
تفصیلات کے مطابق اعلامیے میں کرچی چیمبر آف کامرس کا کہنا تھا کہ سندھ کے عوام بھی بجلی کے زائد بلوں سے بہت پریشان ہیں، سندھ کی عوام اور تاجر برادری کیلئے موجودہ نرخوں پر بل بھرنا ناممکن ہے۔
کراچی چیمبر نے کہا کہ سندھ کی عوام کو بھی بجلی کے بلوں میں 14 روپے فی یونٹ ریلیف دیا جائے، وفاق پنجاب کی طرح سندھ کو بھی بجلی بلوں میں فوری ریلیف کا اعلان کرے۔
اعلامیہ میں کہا گیا کہ وفاقی حکومت معیشت میں کراچی کے کردار کو مدنظر رکھے، امید ہے وفاقی حکومت سندھ کو بھی جلد از جلد بجلی بلوں میں ریلیف دے گی۔
خیال رہے کہ پاکستان مسلم لیگ ن کے قائد نواز شریف اور وزیراعلیٰ پنجاب مریم نواز کی جانب سے پنجاب میں عوام کو بجلی پر 14 روپے فی یونٹ ریلیف دینے کا اعلان کیا گیا ہے۔
