اسلام آباد : رواں مالی سال کے 9 ماہ میں سرکاری بجلی تقسیم کار کمپنیوں کے نقصانات میں مزید اضافہ ہوگیا۔

اس حوالے سے پاور ڈویژن کا کہنا ہے کہ رواں مالی سال 9 ماہ میں بجلی تقسیم کار کمپنیوں کے نقصان میں41 ارب روپے اضافہ ہوا، جولائی سے مارچ 2025 تک بجلی تقسیم کار کمپنیوں کے نقصانات 143 ارب روپے رہے۔

دستاویز کے مطابق رواں مالی سال ڈسکوز کے نقصانات 41 ارب روپے بڑھ گئے، 9ماہ میں سالانہ بنیادوں پر ڈسکوز کے نقصانات 4 ارب روپے اضافہ ہوا۔

جولائی 2024 تا مارچ 2025 نقصانات 143 ارب روپے پر پہنچ گئے،گزشتہ سال اسی مدت میں ڈسکوز کےنقصانات102ارب روپے تھے۔

رواں مالی سال کے پہلے 9 ماہ میں وصولیوں کے نقصانات میں بڑی کمی ریکارڈ کی گئی جبکہ ڈسکوز کی انڈر ریکوریز میں184ارب روپے کمی ہوئی۔

رواں مالی سال کے پہلے 9 ماہ ڈسکوز کی انڈر ریکوریز 78 ارب روپے رہیں، گزشتہ سال اسی مدت میں ڈسکوز کی انڈر ریکوریز262ارب روپے تھیں۔

ذرائع کے مطابق ڈسکوز کے نقصانات اور انڈر ریکوری پاور سیکٹر کے سرکلر ڈیٹ کا حصہ ہے، رواں مالی سال بجلی کے بنیادی ٹیرف میں7.12 روپے تک فی یونٹ اضافہ ہوا۔