اسلام آباد : موخر ادائیگیوں کی مد میں بجلی صارفین کے لئے بجلی 14 روپے 24 پیسے فی یونٹ مہنگی ہونے کا امکان ہے۔
تفصیلات کے مطابق ملک بھر کے بجلی صارفین کوایک اور زوردار جھٹکا دینے کی حکومتی تیاریاں جاری ہے۔
بجلی صارفین کے لئے بجلی 14 روپے 24 پیسے فی یونٹ مہنگی ہونے کا امکان ہے ، موخر ادائیگیوں کی مد میں بجلی مہنگی ہوگی۔
وفاقی حکومت نے اگست ستمبر 2022 کے موخر کردہ بقایاجات کی وصولی کی درخواست دائر کردی۔
بجلی صارفین سے بقایا جات آئندہ آٹھ ماہ میں وصول کرنے کی درخواست کی گئی ہے ، اضافے کااطلاق کے الیکڑک، زرعی صارفین پر بھی ہوگا۔
200 یونٹ والے پروٹیکٹڈ صارفین سے 10 روپے 34 پیسے فی یونٹ اور 200 سے 300 یونٹ والے نان پروٹیکٹڈ صارفین سے 14 روپے 24 پیسے فی یونٹ وصولی کی درخواست دائر کی۔
کے الیکڑک کے زرعی صارفین سے 9 روپے 90 پیسے فی یونٹ ، کے الیکڑک کے 200 یونٹ والے صارفین کے لئے 9 روپے 97 پیسے فی یونٹ اور 200 سے 300 یونٹ والے صارفین سے 13 روپے 87 پیسے فی یونٹ وصولی کی درخواست دائر کی گئی ہے۔
موخر کردہ وصولیوں انہی مقررہ مہینوں میں ہی وصول کی جائیں گی ، نیپرا اتھارٹی 2 مارچ کو درخواست پر سماعت کرے گا۔
