اسلام آباد : کراچی سمیت ملک بھر کیلئے بجلی مزید مہنگی کرنے کی تیاری کرلی گئی ، جس سے صارفین پر 81 ارب 50 کروڑ روپے کا بوجھ پڑے گا۔

تفصیلات کے مطابق کراچی سمیت ملک بھر کیلئے بجلی مہنگی کرنے کی درخواست پرنیپرا کل سماعت کرے گی۔

بجلی صارفین پر81ارب 50 کروڑروپے کا بوجھ ڈالنے کی درخواست پر سماعت ہوگی، بجلی کمپنیوں نے اکتوبرتادسمبرکی سہ ماہی ایڈجسٹمنٹ کی درخواست دی ہے۔

حکومتی گائیڈ لائنزکے مطابق ایڈجسٹمنٹ کا اطلاق کے الیکٹرک صارفین پر بھی ہوگا، کیپسٹی چارجز کی مد میں پچہتر ارب چودہ کروڑ روپے وصولی کی درخواست ہے۔

اس کے علاوہ نقصانات کی مدمیں دس ارب بیاسی کروڑروپےوصولی کی درخواست کی گئی، نیپرا کی جانب سے درخواست پر سماعت کے بعد فیصلہ کیا جائے گا۔

Comments