اسلام آباد: ونٹر سپورٹ پیکج کے باوجود سالانہ بنیادوں پر بجلی کی پیداوار میں 2 فیصد کمی ریکارڈ ہوئی ہے، کروڑوں یونٹس بجلی کم پیدا ہوئی۔

تفصیلات کے مطابق گزشتہ سال جنوری کی نسبت بجلی کی پیداور میں 16 کروڑ یونٹس سے زائد کی کمی ریکارڈ کی گئی ہے، دستاویز سے پتا چلتا ہے کہ جنوری 2024 میں بجلی کی مجموعی پیداوار 8 ارب 31 کروڑ 40 لاکھ یونٹس تھی۔

دستاویز میں بتایا گیا ہے کہ رواں سال جنوری میں بجلی کی پیداوار 8 ارب 15 کروڑ 30 لاکھ یونٹس رہی، جنوری 2025 میں پن بجلی کی پیداوار میں 0.49 فیصد کمی ہوئی۔

عوام کیلیے اچھی خبر، بجلی کی قیمت میں کمی کا امکان

جنوری 2025 میں مقامی کوئلے سے پیداوار بھی 0.95 فیصد کم رہی، رواں سال جنوری میں درآمدی کوئلے سے بجلی کی پیداوار 1.6 فیصد زیادہ رہی، جنوری 2025 میں ڈیزل 1.22، فرنس آئل سے بجلی کی پیداوار 7.69 فیصد کم رہی۔

دستاویز کے مطابق جنوری 2025 میں مقامی گیس سے بجلی کی پیداوار 0.66 فیصد زیادہ رہی، جنوری 2025 میں درآمدی ایل این جی سے پیداوار0.70 فیصد زیادہ رہی، رواں سال جنوری میں جوہری ایندھن سے بجلی کی پیداوار 5.83 فیصد زیادہ رہی۔

بجلی کمپنیوں کو نئی بھرتیاں کرنے، ترقیاں اور مراعاتی پیکج دینے سے روک دیا گیا