The news is by your side.

Advertisement

تھائی لینڈ میں ہاتھی گاڑی پر چڑھ دوڑا، ویڈیو وائرل

بنکاک: تھائی لینڈ میں ہاتھی گاڑی پر چڑھ دوڑا جس کی ویڈیو وائرل ہوگئی۔

غیرملکی خبررساں ادارے کے مطابق تھائی لینڈ میں مسافر کو اس وقت اپنے سفر کو روکنا پڑ گیا جب ایک ہاتھی اس کی گاڑی پر چڑھ دوڑا، مسافر بمشکل اپنی جان بچا کر بھاگنے میں کامیاب ہوا۔

ویڈیو میں دیکھا جاسکتا ہے کہ 35 سالہ ہاتھی گاڑی پر چڑھا ہوا ہے جبکہ وہاں سے گزرنے والے دوسرے مسافر نے واقعے کی ویڈیو بناکر اپنے کیمرے میں محفوظ کرلی جو سوشل میڈیا پر وائرل ہوگئی۔

ہاتھی نے اس دوران گاڑی کے شیشے بھی توڑ دئیے اور اس کی چھت کو بھی نقصان پہنچایا۔

نیشنل پارک انتظامیہ نے ازراہ مذاق کہا کہ گیلے اور سرد موسم میں سیاحوں کی آمد کے دوران ہاتھی کی جانب سے انہیں خوش آمدید کہا گیا ہے۔

ڈائریکٹر نیشنل پارک کا کہنا تھا کہ درمیانی عمر کے ہاتھی کسی گاڑی یا شخص کو نقصان نہیں پہنچاتے ہیں۔

انہوں نے ڈرائیورز کو مشورہ دیا کہ وہ ہاتھی کو سڑک پر آتا دیکھ کر گاڑی کو روک لیں اور جب ہاتھی قریب ہو تو گاڑی کو پیچھے کی جانب لے جائیں۔

ڈائریکٹر نیشنل پارک کا کہنا تھا کہ سیاح اس دوران ہاتھی کی تصویر لینے سے گریز کریں بصورت دیگر ہاتھی مذکورہ شخص اور گاڑی کو نقصان پہنچا سکتا ہے۔

fb-share-icon0
Tweet 20

Comments

comments

یہ بھی پڑھیں