دنیا کے بیشتر ممالک میں کھیلا جانے والا کرکٹ اب جانوروں میں بھی مقبول ہوگیا، اس بات کا اندازہ اس ویڈیو سے لگایا جاسکتا ہے کہ جس میں ایک ہاتھی کرکٹ کا بیٹ پکڑے شاٹ لگا رہا ہے۔
ہاتھی کی کرکٹ کھیلنے کی ویڈیو انٹرنیٹ پر خوب وائرل ہو رہی ہے اور صارفین اس پر دلچسپ تبصرے بھی کررہے ہیں۔
برطانوی کرکٹر مائیکل واگن کی جانب سے سماجی رابطے کی سائٹ ٹویٹر پر ایک ویڈیو شیئر کی گئی ہے جس کے ساتھ انہوں نے کیپشن میں لکھا کہ یقیناً یہ ہاتھی برطانوی پاسپورٹ کا حامل ہے۔
Have you seen an elephant playing cricket? Well he is better than many international players.
pic.twitter.com/WrJhnYTboW— Gannuprem (@Gannuuprem) May 8, 2021
ویڈیو میں دیکھا جا سکتا ہے کہ بھارت کے کسی نامعلوم مقام پر ایک آدمی ہاتھی کو باؤلنگ کروا رہا ہے جبکہ سونڈ میں ڈنڈا تھامے ہاتھی گیند پر زور سے ہٹ لگاتا ہے اور گیند ہوا میں اڑتی دور جا گرتی ہے ۔
آدمی ہاتھی کو دو مرتبہ گیند کراتا ہے جس پر وہ زور سے شاٹ لگاتا ہے ، اس دوران ارد گرد کھڑے افراد کی خوشی بھی دیدنی ہے اور وہ اس سے محظوظ بھی ہوریے ہیں، ویڈیو سوشل میڈیا پر تیزی سے مقبول ہوتی جا رہی ہے ،جو اب تک ہزاروں مرتبہ دیکھی جا چکی ہے ۔
تاہم تاحال یہ تصدیق نہیں ہوسکی کہ یہ ویڈیو کس مقام کی ہے لیکن ماحول سے اندازا ہوتا ہے کہ یہ بھارت کے ہی کسی علاقے کی ہے ۔
