The news is by your side.

اکیلے ہاتھی کی 14 شیرنیوں‌ کے ساتھ دل دہلا دینے والی لڑائی (ویڈیو وائرل)

اگرچہ شیروں‌ کے لیے ہاتھی کوئی پسندیدہ انتخاب نہیں‌ ہے تاہم، ایک ہاتھی 14 شیرنیوں‌ کے نرغے میں پھنسا تو ان کے درمیان ایک بھیانک جنگ شروع ہو گئی۔

انڈین فاریسٹ افسر سوسانتا نندا نے اپنے ٹویٹر اکاؤنٹ پر ایک ویڈیو شیئر کی ہے، جس میں ایک اکیلا ہاتھی اپنی زندگی کے لیے 14 عدد شیرنیوں‌ کے ساتھ دل دہلا دینے والی لڑائی لڑ رہا ہے۔

یہ ویڈیو سوشل میڈیا پر تیزی سے وائرل ہو گئی ہے، شیرنیاں کافی دیر تک ہاتھی کو زیر کرنے کی کوشش کرتی رہیں، لیکن ہاتھی نے زبردست مزاحمت کرتے ہوئے خود کو ان کا شکار نہیں ہونے دیا۔

ویڈیو میں آپ دیکھ سکتے ہیں کہ ہاتھی نے کس طرح ایک دل دہلا دینے والی جنگ لڑ کر خود کو شیرنیوں کا شکار ہونے سے بچایا، اور دشمن نمبر ایک کو بھاگنے پر مجبور کر دیا۔

ماہرین کا کہنا ہے کہ شیر واحد شکاری ہے جو ہاتھی کو مارنے کی طاقت رکھتا ہے، ہاتھی بڑا جانور ہے جس میں بہت زیادہ گوشت ہوتا ہے لہذا اگر شیر ایک شکار کرنے میں کامیاب ہو جائیں تو انھیں کئی دنوں تک شکار نہیں کرنا پڑتا۔

ان کا کہنا ہے کہ شیرنیوں کے لیے ایک ہاتھی کا شکار بالکل بھی آسان نہیں ہے، اور شیرنیاں اپنے غرور کے لیے شکار کرتی ہیں۔

Comments

یہ بھی پڑھیں