ٹیسلا، اسپیس ایکس اور ٹوئٹر جیسی کمپنیوں کے مالک ایلون مسک تنقید پسند نہ آئی تو انہوں نے کمپنی کے انجینئر کو ملازمت سے ہی فارغ کردیا۔
غیرملکی میڈیا کے مطابق ہوا کچھ یوں کہ جب اتوار کو ایلون مسک نے متعدد ممالک میں ٹوئٹر کے انتہائی سست ہونے پر معذرت کی تھی، جس کے بعد یہ سارا معاملہ شروع ہوا ۔
ایلون مسک کی اس ٹوئٹ کے کچھ ہی گھنٹے بعد ایرک نے ٹوئٹ میں لکھا تھا کہ میں نے ٹوئٹر کے لیے 6 سال گزارے اور میں کہہ سکتا ہوں کہ یہ غلط ہے۔
I have spent ~6yrs working on Twitter for Android and can say this is wrong. https://t.co/sh30ZxpD0N
— @[email protected] (@EricFrohnhoefer) November 13, 2022
ایلون مسک نے کمپنی کے انجینئر ایرک کو جواب دیتے ہوئے ان سے سوال کیا کہ ٹوئٹر اینڈرائیڈ پر بہت سلو ہے آپ نے اسے ٹھیک کرنے کے لیے کیا کام کیا ہے؟
ایلون مسک کے اس سوال پر ایرک نے کئی ٹوئٹس کیے اور اپنے نئے مالک کو سمجھانے کی بہت کوشش کی۔
اس پورے معاملے کو دیکھتے ہوئے ٹوئٹر کے ایک صارف نے لکھا کہ تم نے اپنے نئے باس کو یہ سب کچھ پرائیوٹ کیوں نہیں بتایا۔
صارف کے اس سوال پر 8 سال سے زائد ٹوئٹر کے لیےکام کرنے والے ایرک نے جواب دیا کہ شاید انہیں بھی مجھ سے ذاتی طور پر سوالات پوچھنے چاہئیں۔
اس پوسٹ کے بعد ایلون مسک نے پیر کو اعلان کیا کہ ایرک کو نوکری سے نکال دیا گیا ہے۔
— @[email protected] (@EricFrohnhoefer) November 14, 2022
جس کے بعد ایرک نے ٹوئٹر سربراہ کی پوسٹ کو ری ٹوئٹ کر کے اس پر سیلوٹ کا ایموجی لگایا، ٹوئٹر سے اس ماہ نکالے جانے والے کئی ملازمین نے اپنی پوسٹ میں سیلوٹ کا ایموجی استعمال کیا تھا۔
