ٹوئٹر کے چیف ایگزیکٹو آفیسر اور سربراہ ایلون مسک نے ٹوئٹر پر اپنے اکاؤنٹ کا نام تبدیل کرلیا ہے۔
ایلون مسک توئٹر کے مالک بننے کے بعد نئے نئے تجربے سے صارفین کو آگاہ کرتے رہتے ہیں تاہم انہوں نے اب اپنا نام تبدیل کرکے ایک نیا شوشہ چھوڑدیا۔
ایلون مسک نے اپنی اس نئی سرگرمی کی اطلاع دیتے ہوئے لکھا، میں نے اپنا نام تبدیل کرتے ہوئے ’مسٹرٹویٹ‘ رکھ لیا ہے۔
ساتھ ہی ایلون نے صارفین کو یہ بھی بتایا کہ اب ٹوئٹر انہیں یہ نام پھر سے تبدیل کرنے کی اجازت نہیں دے گا۔
Changed my name to Mr. Tweet, now Twitter won’t let me change it back 🤣
— Elon Musk (@elonmusk) January 25, 2023
واضح رہے کہ ٹوئٹر صارفین اپنا اکاؤنٹ ہینڈل تبدیل نہیں کرسکتے تاہم انہیں اس بات کی پوری اجازت ہے کہ وہ جب چاہے نام تبدیل کرسکتے ہیں۔
ٹوئٹر کے سربراہ کی اس پوسٹ پر کمنٹس سیکشن میں دلچسپ تبصرے بھی کیے جارہے ہیں۔
ایک صارف نے ٹوئٹ میں لکھا کہ ایک وکیل جو ٹیسلا کے حصص کی قیمت پر مسک کے خلاف مقدمہ لر رہے ہیں انہوں نے پیر کو کمرہ عدالت میں ایلون کو غلطی سے "مسٹر ٹویٹ” کہہ کر پکارا تھا۔
For anyone not in on the joke, the lawyer for the investors suing Elon accidentally called him “Mr. Tweet” while grilling him this week.
— Patrick McGee (@PatrickMcGee_) January 25, 2023
