دنیا کے امیرترین انسان ٹیسلا اور اسپیس ایکس کے بانی ایلون مسک کے ہم شکل کی ویڈیو سوشل میڈیا پر وائرل ہوگئی۔
دنیا کے امیر ترین انسان، ٹیسلا اور اسپیس ایکس کے بانی ایلون مسک کے ہم شکل کی ویڈیو دیکھ کر انٹرنیٹ صارفین حیران رہ گئے۔
خود ایلون مسک نے اپنے ہم شکل سے ملنے کی خواہش ظاہر کر دی اور کہا کہ ان دنوں ڈیپ فیکس کو پرکھنا مشکل کام ہے۔
وائی لونگ مسک دنیا کے امیر ترین شخص ایلون مسک کے ساتھ اپنی شکل میں مماثلت کی وجہ سے اکثر سرخیوں میں رہتے ہیں، ایشیائی شخص کے سامنے آنے کے ایک سال بعد ٹیک ارب پتی نے ٹویٹ کیا کہ وہ اس سے ملنا چاہیں گے اگر وہ حقیقی ہے۔
I’d like to meet this guy (if he is real). Hard to tell with deepfakes these days.
— Elon Musk (@elonmusk) May 9, 2022
ڈیپ فیک ایک ڈیجیٹل طور پر تبدیل شدہ ویڈیو ہے جس میں ایک عوامی شخصیت کا چہرہ دوسرے شخص کے اوپر رکھا جاتا ہے۔
اگرچہ یہ شخص ڈوئین پر ویڈیوز شیئر کرتا ہے جو کہ چین کے ٹک ٹاک کے مساوی ہے لیکن ہر کوئی اس بات پر قائل نہیں ہے کہ ویڈیوز کو ڈیجیٹل طور پر تبدیل کیا گیا ہے۔