ٹوئٹر کے نئے سربراہ ایلون مسک نے اپنے کمپنی کے ملازمین کی جانب سے بڑے پیمانے پر موصول ہونے والے استعفوں پر ردعمل دیا ہے۔
یاد رہے کہ سینکڑوں ملازمین نے نئے باس ایلون مسک کے الٹی میٹم کے بعد استعفوں کی بھر مار ہوگئی، ایلون مسک نے ٹوئٹر کے ملازمین کو ای میل میں الٹی میٹم دیا تھا کہ زیادہ گھنٹے کام کرنے کا عہد کریں یا پھر نوکری چھوڑ دیں۔
ایلون مسک نے ایک ٹوئٹر صارف کو جواب دیا کہ ’بہترین لوگ کمپنی میں باقی رہ گئے ہیں، اس لیے میں زیادہ پریشان نہیں ہوں‘۔
The best people are staying, so I’m not super worried
— Elon Musk (@elonmusk) November 18, 2022
کمپنی بند ہونے کے بعد ایلون مسک نے ایک اور ٹوئٹ کرتے ہوئے بتایا کہ ٹوئٹر استعمال کرنے کی شرح تاریخ کی بلند ترین سطح پر پہنچ گئی ہے۔
واضح رہے کہ ایلون مسک کے الٹی میٹم کے بعد سینکڑوں ٹوئٹر ملازمین دستبردار ہوگئے، جس کے بعد ٹوئٹر نے کمپنی کے دفاتر آج سے عارضی طور پر بند کرنے کا اعلان کردیا۔
Let that sink in …
— Elon Musk (@elonmusk) November 18, 2022
برطانوی میڈیا کے مطابق ٹوئٹر کی جانب سے سرکولر میں لکھا گیا عارضی طور پر دفاتر بند کئے ہیں اکیس نومبر سے آفسز دوبارہ کھول دئیے جائینگے۔
