کراچی : بھارتی ائیرلائن کے طیارے کو دوران پرواز خاتون مسافرکی طبعیت خراب ہونے کے باعث کراچی ائیرپورٹ پر ہنگامی لینڈنگ کرنا پڑی۔
تفصیلات کے مطابق بھارتی ائیرلائن کے طیارے کی کراچی ائیرپورٹ پرمیڈیکل گراونڈ پر لینڈنگ ہوئی، ذرائع نے بتایا کہ بھارتی ائیرلائن کی پرواز جدہ سے حیدرآباد دکن جارہی تھی کہ دوران پروازخاتون مسافرکی طبعیت خراب ہوئی۔
ذرائع کا کہنا تھا کہ بھارتی طیارے کے کپتان نے پاکستان ائیرٹریفک کنٹرولرسے پروازکوکراچی اتارنے کی اجازت مانگی، پرواز کی لینڈنگ کے بعد خاتون مسافرکو جناح ٹرمینل پرطبی امداد فراہم کی گئی تاہم خاتون مسافرجانبرنہ ہوسکی اورانتقال کرگئی۔
ترجمان سی اے اے نے کہا کہ طیارہ نے صبح 4 بجکر 15 منٹ پر کراچی لینڈ کیا، جدہ سے اڑنے والے جہاز کی بھارتی خاتون مسافر جوہرہ بی کو معائنہ پر مردہ پایا گیا۔
ترجمان نے بتایا کہ طیارہ مردہ خاتون کو لے کر 6 بجکر 15 منٹ پر بھارت میں میں آپنی منزل کی طرف روانہ ہوا۔
