بدھ, فروری 19, 2025
اشتہار

‘کراچی میں ہنگامی حالت نافذ کی جائے’

اشتہار

حیرت انگیز

امیر جماعت اسلامی حافظ نعیم الرحمان نے مطالبہ کیا ہے کہ کراچی میں ہنگامی حالت نافذ کی جائے نالوں کے اطراف ایمرجنسی نافذ کی جائے۔

کراچی میں بارش کے بعد شہر کی بدترین صورتحال پر پریس کانفرنس کرتے ہوئے انہوں نے کہا کہ کل شہر کے ایک حصے میں باتیں ہوئی ہیں مگر شہر کی صورتحال سب کے سامنے ہے سندھ حکومت نے سندھ کے تمام اداروں پر قبضہ کر رکھا ہے تمام تر پیش گوئی کے باوجود انتظامات نہ کرنا ظلم ہے۔

حافظ نعیم الرحمان نے کہا کہ پچھلے سال بجٹ میں 1 ارب 20 کروڑ روپے رکھے گئے نالوں کی صفائی کیوں نہیں کی گئی شہر میں پانی کی بدترین صورتحال ہے ہر بجٹ میں کرپشن باور لوٹ مار کر رہے ہیں سیاسی ایڈمنسٹریٹر نے کراچی کو ڈبو دیا الیکشن کے اعلان کے بعد کام شروع کیا گیا۔

 

امیر جماعت اسلامی نے کہا کہ ایم کیو ایم اس وقت کہاں کھڑی ہے؟؟ 50 کروڑ کی ایم پی اے سیاسی رشوت لے رہے ہیں کراچی ٹرانسفورمیشن پلان کہاں گیا؟ کہاں گئے کراچی ٹرانسفورمیشن پلان کے منصوبے ؟؟ دو سال کی پرفامنس زیرو ہے، 1100 ارب کا پیکج پہلی بارش میں ہی ڈوب گیا۔

ان کا کہنا تھا کہ کے سی آر کے 250 ارب کہاں ہے ؟ کے فور پر مسلسل جھوٹ بولا جا رہا ہے حب ڈیم سے کراچی کو پانی سپلائی کی نہر کی مرمت کا کام کیوں نامکمل ہے؟ ڈرون سے نالوں کی ویڈیوز بنانے والے کا سوشل میڈیا بھی بارش کے پانی میں بہہ گیا مین شاہراہِ بند کر کے نالوں کا کام کیا جا رہا ہے دنیا میں کہاں ایسے کام ہوتا ہے گجر نالے کے آس پاس سیوریج کا پانی ابادی میں داخل ہوچکا ہے کوئی اس شہر کا پرسان حال ہے ؟؟ کراچی ٹرانسفورمیشن پلان کے چیمپیئن کہاں گئے؟

حافظ نعیم نے کہا کہ نان ایشوز میں پوری قوم کو لگا دیا گیا ہے ذندہ باد مردہ کی سیاست میں لگا رکھا ہےکرنٹ لگنے سے نوجوان کی ہلاکت پی ٹی آئی ، پی پی ، ایم کیو ایم کے ماتھے پر کلنک کا ٹیکا ہے یہ کے الیکٹرک کی کارکردگی ہے ؟؟ کیوں کے الیکٹرک کے خلاف کاروائی نہیں ہوئی پچھلی بارشوں کی تحقیقات اور کاروائی ہوتی تو کل نوجوان کی ہلاکت نہ ہوتی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں