امیر کویت شیخ نواف الاحمد الجابر نے اپنے دستوری اختیارات ولی عہد کے سپرد کرنے کا فرمان جاری کردیا۔
خلیجی ریاستوں اور ان ممالک جہاں بادشاہی نظام ہے وہاں تمام اختیارات موجودہ امیر، بادشاہ یا شہنشاہ کو ہوتے ہیں اور ان کی غیر موجودگی میں ولی عہد ملک کا نظام سنبھالتے ہیں، اس کے علاوہ ولی عہد کے پاس نائب وزیر اعظم اور وزیر دفاع کا بھی قلمدان ہوتا ہے۔
ایسا ہی نظام خلیجی ریاست کویت میں بھی ہے جہاں امیر کویت یعنی بادشاہ شیخ نواف الاحمد الجابر الصباح ہیں جو سلطنت کے تمام امور کے ذمہ دار ہیں لیکن اب امیر کویت نے اپنے کچھ دستوری اختیارات ولی عہد کو تفویض کرنے کا فیصلہ کیا ہے۔
امیر کویت نے ولی عہد شیخ مشعل الاحمد الجابر الصباح سے بعض معاملات سرانجام دینے کےلیے مدد حاصل کی اور اس سلسلے میں شاہی فرمان بھی جاری کردیا ہے جس کے بعد امیر کویت کے بعض اختیارات ولی عہد کو منتقل ہوجائیں گے۔
