ابوظبی : متحدہ عرب امارات کی ایئرلائن ایمریٹس نے مسافروں کیلئے انتہائی کم فیس کے عوض بڑی سہولت کا اعلان کیا ہے جس کے تحت وہ ’یورپ ٹوور‘کیلئے فلائٹ اور ہوٹل کی بکنگ بھی کروا سکیں گے۔
تفصیلات کے مطابق امارات ایئرلائن نے یورپ ٹور پر جانے والے اپنے مسافروں کے لیے نئی خصوصی اسکیم کا اعلان کیا ہے جس کے تحت وہ صرف 9 درہم کی ادائیگی پر یورپ ٹور کی بکنگ کروا سکتے ہیں۔
امارات الیوم اخبار کے مطابق9 درھم میں نہ صرف فلائٹ بلکہ ہوٹل کی بکنگ بھی کرائی جاسکتی ہے، بکنگ کے بعد سفر سے25 دن قبل باقی رقم ادا کرنا ہوگی۔ امارات ایئرلائن کا کہنا ہے کہ اس پیشکش کا مقصد دنیا میں سیاحت کو فروغ دینا ہے۔
امارات ایئرلائن کی جانب سے جاری شرائط میں مزید کہا گیا ہے کہ یورپی ممالک کے علاوہ ترکیہ اور اٹلی کے لیے بھی 9 درھم میں بکنگ کرائی جاسکتی ہے۔ بکنگ کرانے کی آخری تاریخ 24 مئی ہے تاہم سفر30نومبر 2023 تک کسی بھی وقت کیا جاسکتا ہے۔
پیشگی بکنگ کینسل کرانے کی صورت میں جمع کرائے گئے9 درھم ناقابل واپسی ہوں گے، سفر سے کم از کم 30 دن قبل بکنگ کرائی جاسکتی ہے تاہم سفرکی تاریخ سے 25 دن پہلے باقی رقم ادا کرنا ضروری ہے۔
