ہالی ووڈ کی افسانوی فلم ‘ہیری پورٹر’ میں مرکزی کردار ادا کرنے والی اداکارہ ایما واٹسن فلسطینیوں کی آواز بن گئیں، صدائے حق بلند کرنے والے اسرائیلی حکام اور حامیوں نے اداکارہ کیخلاف مہم شروع کردی۔
غیر ملکی میڈیا کے مطابق برطانیہ سے تعلق رکھنے والی ہالی ووڈ اداکارہ ایما واٹسن نے انسٹاگرام پر گزشتہ برس فلسطینیوں کے احتجاج کی ایک تصویر شیئر کی جس میں فلسطینی شہری کے ہاتھ میں موجود پلے کارڈ پر ‘یکجہتی ایک فعل’ کا جملہ لکھا نظر آرہا ہے۔
ایما واٹسن نے ساتھ ہی برطانوی نژاد آسٹریلوی سماجی کارکن سارہ احمد کا قول بھی تصویر کے ساتھ شیئر کیا۔
فلسطینیوں کی حمایت پر سوشل میڈیا صارفین ہالی ووڈ اداکارہ کو خوب داد دے رہے ہیں جب کہ اسرائیلی حکام اور حامی ایما واٹسن کو تنقید کا نشانہ بنارہے ہیں۔
اقدام متحدہ میں تعینات اسرائیلی سفیر نے ایما کو تنقید کا نشانہ بناتے ہوئے کہا کہ ’افسانہ ہیری پوٹر کے لیے تو ہوسکتا ہے مگر اس کا حقیقت سے کوئی تعلق نہیں اگر ایسا ہوتا تو جادو کا اثر حماس پر بھی ہوجاتا‘۔
10 points from Gryffindor for being an antisemite.@EmmaWatson pic.twitter.com/Qaqkx36JSg
— Ambassador Danny Danon | דני דנון (@dannydanon) January 3, 2022
واضح رہے کہ ایما واٹسن نے جادوئی مناظر اور ایکشن سے بھرپور ہالی ووڈ فلم ‘ہیری پورٹر سیریز’ میں ہرمیون گرینجر کا کردار نبھایا تھا۔
