گزشتہ سے پیوستہ :
اس سے قبل ٹیم سرعام نے ابوبکر نامی گھریلو ملازم بچے کو بڑے سرکاری افسر کے گھر سے رہا کروایا تھا، جہاں اس ملازم بچے پر تشدد کیا جاتا اور کھانا بھی پیٹ بھر کر نہیں دیا جاتا تھا۔،
اسلام آباد کے پوش علاقے میں قائم سرکاری افسر کے اس گھر کے درندہ صفت افراد میں ایک ماں اور اس کا بیٹا شامل تھے جو اس ملازم بچے پر تشدد کرنے میں ملوث تھے۔
بچے ابوبکر سے بات چیت کے دوران گھر کی ایک بڑی عمر کی خاتون ڈھٹائی کے ساتھ خود کو بے گناہ اور معصوم قرار دیتی رہی لیکن بچے کے جسم پر جابجا لگے ہوئے زخموں کے نشانات اس کے جھوٹ کو بے نقاب کررہے تھے۔
بچے نے بتایا کہ وہ یہاں تین سال سے کام کررہا ہے اور چھوٹی چھوٹی باتوں پر اسے چھری اور ڈنڈوں سے مارا جاتا ہے، اس موقع پر اس گھر کی خاتون نے ٹیم سرعام سے کیمرے کے سامنے سے ہٹ کر بات کرنے کی درخواست کی جسے مسترد کردیا گیا۔
مزید پڑھیں : 12سالہ گھریلو ملازم بچے پر حیوانی تشدد، جلانے، کاٹنے، استری سے داغنے کے نشانات
اس سے قبل ہی اس خاتون کا بیٹا پولیس اور ٹیم سرعام کو دیکھ کر اور ماں کو اکیلا چھوڑ کر وہاں سے فرار ہوچکا تھا۔
