کراچی کے علاقے صدر ایمپریس مارکیٹ کے قریب عمارت میں آگ لگ گئی، فائر بریگیڈ کی5گاڑیاں آگ بجھانے میں مصروف ہیں۔
اے آر وائی نیوز کی رپورٹ کے مطابق فائربریگیڈ حکام کا کہنا ہے کہ ایمپریس مارکیٹ کے قریب گھڑیالی بلڈنگ کے تیسرے اور چوتھے فلور پر آگ لگی ہے۔
اس حوالے سے پولیس کا کہنا ہے کہ عمارت میں گارمنٹس، چمڑے کی اشیاء اور گھڑیوں کی متعدد دکانیں ہیں۔
- Advertisement -
فائر بریگیڈ حکام نے میڈیا کو بتایا کہ فائر بریگیڈ کی5گاڑیاں آگ بجھانے میں مصروف ہیں، اس کے علاوہ اسنارکل بھی آگ بجھانے کے عمل میں حصہ لے رہی ہے۔
عمارت میں کسی بھی شخص کے موجود ہونے کی اطلاع نہیں ہے، اطلاع ملتے ہی جائے حادثہ پر امدادی اداروں کے اہلکار اور پولیس کی نفری بھی موجود تھی۔
