بھارتی فلم انڈسٹری کے معروف اداکار عمران ہاشمی پر ان دنوں شدید تنقید کی زد میں آگئے ہیں۔
عمران ہاشمی کرن جوہر کے شو میں مہیش بھٹ کے ساتھ شریک ہوئے تھے، جہاں انہوں نے ایک متنازعہ تبصرہ کیا تھا۔ جس کے بعد اداکار تنقید کی زد میں آگئے۔
بھارتی اداکار عمران ہاشمی نے کرن جوہر کے شو کے دوران بھارتی اداکارہ اور بچن خاندان کی بہو ایشوریہ رائے کو ’پلاسٹک‘ کہہ دیا تھا۔
عمران ہاشمی سے ایک ایونٹ میں اس متنازعہ تبصرے پر معافی کا مطالبہ کیا گیا، جس پر اداکار کا کہنا تھا کہ وہ اس پر معذرت نہیں کریں گے کیوں کہ وہ ایک مذاق تھا۔
دوسری جانب اداکار عمران ہاشمی نے انکشاف کیا ہے کہ ان کی اہلیہ پروین شاہانی نے انہیں علیحدگی کی دھمکی دے دی ہے۔
بالی وڈ اسٹار نے بتایا کہ وہ مسلسل مجھے دھمکیاں دے رہی ہیں لیکن ابھی تک چھوڑا نہیں ہے، جو کچھ میں کھاتا ہوں وہ پروین کو پسند نہیں ہے لیکن یہ ڈائٹ میں نے پچھلے دو سال سے جاری رکھی ہے۔
عمران ہاشمی نے بتایا کہ میں ڈائٹ میں چکن قیمہ، سلاد اور شکرقندی لے رہا ہوں، میرے ڈائٹ پلان کی وجہ سے اہلیہ کافی ناراض ہیں کیونکہ میرے لیے اپنا کھانا تبدیل نہیں کرنا چاہتیں۔
ثانیہ مرزا کا نیا اسٹائل مداحوں کو بھا گیا
انہوں نے کہا کہ میرا ڈائٹ پلان بورنگ ہے لیکن اس میں چکن قیمہ شامل ہے جو آسانی سے ہضم ہو جاتا ہے۔
