آمدنی کے لحاظ سے یورپ کے خوشحال ملک سوئٹزرلینڈ ایندھن کی کمی کے باعث بدترین صورتحال سے دوچار ہے۔
ملک کے بجلی کمیشن کے صدر نے شہریوں کو موسم سرما کے مشکل مہینوں کے بارے میں خبردار کرتے ہوئے انہیں بدترین صورتحال کے لیے تیار رہنے کا مشورہ دیا ہے۔
سوئٹزرلینڈ میں آنے والی سردیوں میں بجلی کی بندش سے آندھیروں میں ڈوبے مناظر دیکھنے کو مل سکتے ہیں۔
نیو زیورخ کے اخبار کے ساتھ ایک انٹرویو میں سوئس الیکٹرسٹی کمیشن کے صدر، ورنر لوگن بُہل نے کہا کہ شہری ایندھن کی کمی کے پیش نظر موم بتی کی تیاریاں اور آگ جلانے کے لیے لکڑیوں کا ذخیرہ کر لیں۔
انہوں نے کہا کہ یہ یقینی طور پر مشورہ دے سکتے ہیں کہ گھر میں موم بتیاں ہوں اور اگر آپ کے پاس لکڑی کا چولہا ہے تو آپ کو کافی لکڑی کا ذخیرہ کرنا چاہیے۔
ان کا کہنا تھا کہ موسمِ سرما میں بجلی کی بندش ہو گی اس حقیقت سے آگاہی ضروری ہے کیونکہ ملک میں ایندھن کی صورتحال بدترین ہو سکتی ہے۔
