بھارت نے انگلینڈ کو سنسنی خیز مقابلے کے بعد 7 رنز سے شکست دے کر تین میچوں کی سیریز دو ایک سے جیت لی۔
پونے میں کھیلے گئے سیریز کے فائنل میچ میں بھارت کے 330 رنز کے ہدف کے تعاقب میں انگلش ٹیم 322 رنز بنا سکی، آل راؤنڈر سیم کرن نے ڈوبتی کشتی کو بچانے کی بھرپور کوشش کرتے ہوئے 95 رنز کی ناقابل شکست اننگز کھیلی لیکن نہیا کو منج دھار سے نہ نکال سکے۔
India hold their nerve, beat England by 7 runs, clinch the 3-match ODI series 2-1https://t.co/qiaEcYhao0#INDvENG pic.twitter.com/4gv0EZtpkr
— Cricbuzz (@cricbuzz) March 28, 2021
اس شکست کے بعد انگلینڈ کو خالی ہاتھ ہی وطن لوٹنے پڑے گا۔ ٹیسٹ اور ٹی ٹوئنٹی کے بعد انگلش ٹیم کو ون ڈے میں بھی ٹرافی سے محروم ہونا پڑا۔
ٹیسٹ میں انگلینڈ کو تین ایک، ٹی ٹوئنٹی میں تین دو اور ون ڈے میں دو ایک سے شکست ہوئی۔ انگلینڈ تینوں فارمیٹ میں سے ایک بھی سیریز جیتنے میں کامیاب نہ ہوسکا۔
India win!
Natarajan gives away just six runs in the final over, giving his team a seven-run victory.
It means India take the ODI series 2-1! 🏆 pic.twitter.com/Au4lyUs2EM
— ICC (@ICC) March 28, 2021
طویل دورے پر انگلینڈ کو انجریز اور کنڈیشنز کے چیلنجز کا سامنا رہا، کھلاڑیوں کی عدم دستیابی اور تبدیلیاں بھی شکست کی وجہ بنیں۔
پہلے ون ڈے میں کپتان مورگن اور بیٹسمین بیلنگ انجری کا شکار ہو کر سیریز سے باہر ہوگئے۔ زخموں سے چور مہمان ٹیم نے دوسرا ون ڈے جیتا اور فائنل میں بھی خوب مقابلہ کیا لیکن وہ جیت کے قریب پہنچ کر ہمت ہار گئی۔
