The news is by your side.

Advertisement

منگنی کی افواہیں، ہانیہ عامر نے خاموشی توڑ دی

کراچی: پاکستانی شوبز انڈسٹری کی معروف اداکارہ ہانیہ عامر نے اپنی منگنی کی افواہوں پر خاموشی توڑ دی۔

تفصیلات کے مطابق سماجی رابطے کی ویب سائٹ ٹویٹر پر اداکارہ ہانیہ عامر کی منگنی کی مبارک باد دی جارہی ہیں، ’منگنی مبارک ہانیہ‘ کا ہیش ٹیگ گزشتہ روز سے ٹرینڈنگ پر ہے۔

سوشل میڈیا ٹرینڈ پر ہانیہ عامر نے ردعمل دیتے ہوئے کہا کہ وہ اپنے ٹویٹر اکاؤنٹ پر موصول ہونے والے سیکڑوں نوٹیفکیشن سے متعلق پریشان تھیں مگر انہوں نے وہ نوٹیفکیشن نہیں دیکھے تھے مگر جب آج انہوں نے یہ اکاؤنٹ چیک کیے تو حیران رہ گئیں۔

ہانیہ عامر نے اس ٹرینڈ پر حیرانی کا اظہار کرتے ہوئے کہا کہ ’ان کے مداح انہیں حیران کرنے کا کوئی موقع ہاتھ سے نہیں جانے دیتے ہیں، اداکارہ نے ازراہ مذاق منگنی کی مبارک باد دینے پر مداحوں کا شکریہ بھی ادا کیا۔

واضح رہے کہ گزشتہ روز سے اداکارہ ہانیہ عامر کی منگنی سے متعلق ہیش ٹیگ ٹویٹر پر ٹاپ ٹرینڈ پر رہے، اداکارہ کو مداحوں کی جانب سے میمز اور ٹویٹس کے ذریعے منگنی کی مبارک باد دی جارہی تھی۔

چند سوشل میڈیا صارفین ایسے بھی تھے جنہیں اس ٹرینڈ سے متعلق کچھ معلوم نہیں تھا اور وہ ٹویٹس کے ذریعے دوسروں سے اس ٹرینڈ کی وجہ پوچھ رہے تھے۔

خیال رہے کہ سوشل میڈیا پر منگنی کا ٹرینڈ اداکارہ ہانیہ عامر کے لیے نہیں تھا لیکن مداح اداکارہ کی منگنی کا سمجھ کر انہیں مبارک باد دینے لگے۔

Comments

یہ بھی پڑھیں