بھارت میں ہونے والے ورلڈکپ کیلئے انگلینڈ کرکٹ بورڈ نے اسکواڈ کا اعلان کر دیا۔
تجربہ کار جوزبٹلر انگلش ٹیم کی قیادت کریں گے جب کہ ٹیم میں ہیری بروک اور اٹکنسن جیسے نوجوان کھلاڑی بھی شامل ہیں۔
معین علی، جونی بیئرسٹو، ہیری بروک، بین اسٹوکس، لیام لیونگ اسٹون، ڈاوڈ ملان، سیم کرن، جوروٹ، عادل رشید، اٹکنسن، ریس ٹوپلے، ڈیوڈ ولے، مارک ووڈ اور کرس ووکس اسکواڈ کا حصہ ہیں۔
جوز بٹلر نے پُرزور انداز میں کہا ہے کہ ان کی ٹیم رواں سال محض دفاع کے بجائے پھر سے ورلڈکپ جیتنا چاہتی ہے۔
بٹلر نے کہا کہ ہم عمدہ طریقے سے آگے بڑھ رہے ہیں اور ہم کسی چیز کے دفاع کرنے کی کوشش نہیں کررہے بلکہ ہم تو وہاں جاکر ورلڈ کپ جیتنے کی بھرپور کوشش کریں گے۔ اس وقت ہماری بھی وہی پوزیشن ہے جو دوسری ٹیموں کی ہے۔
انھوں نے نیوزی لینڈ کے خلاف حالیہ سیریز کا حوالہ دیتے ہوئے کہا کہ ہم بہتر سے بہتر ہورہے ہیں، ہر کسی نے یہی کہا کہ گزشتہ میچ کی وکٹ سلو تھی اور اس پر کافی محنت کرنا پڑی، اسپنرز نے بہت عمدگی سے بولنگ کی۔
انگلش کپتان نے کہا کہ ہم بہتر پوزیشش میں ہیں بحیثیت پلیئر میں آئندہ ورلڈ ایونٹ کے لیے پرجوش ہوں۔ ہمارے کھلاڑی بیٹ اور بول کے ساتھ اپنی مہارت کا مظاہرہ کررہے ہیں۔
