ملتان: انگلینڈ کے اسسٹنٹ کوچ مارکس ٹریسکوٹک کا کہنا ہے کہ کل ہم جیت کا عزم لئے میدان میں اتریں گے۔
تفصیلات کے مطابق ملتان ٹیسٹ کے تیسرے روز کھیل ختم ہونے پر پریس کانفرنس کرتے ہوئے سابق انگلش کھلاڑی مارکس ٹریسکوٹک نے کہا کہ ملتان کی پچ پہلے سے بہتر ہوئی ہے، یہاں گیند اسپن اور ریورس سوئنگ ہورہی ہے۔
مارکس ٹریسکوٹک نے کہا کہ اب صورتحال ففٹی ففٹی ہوچکی ہے،ہمارا پلان یہی ہے کہ ہم میدان میں جیت کےلیے اتریں گے اور چھ وکٹیں حاصل کرلیں گے۔
انگلینڈ کے اسسٹنٹ کوچ نے ٹیم کے فاسٹ بولر جیمز اینڈرسن کی تعریف کرتے ہوئے کہا کہ اینڈرسن ینگ پیلئرزکے لیے انسپریشن ہیں وہ اس عمر میں بھی بہترین فارم میں ہے اور اپنی سو فیصد کارکردگی دکھا رہا ہے۔
England Assistant Coach Marcus Trescothick's Press Conference at the Multan Cricket Stadium.#PAKvENG | #UKSePK https://t.co/LZqtgnQdfP
— Pakistan Cricket (@TheRealPCB) December 11, 2022
اپنی پریس کانفرنس میں مارکس ٹریسکوٹک کا کہنا تھا کہ آج کی کنڈیشن تھوڑی مختلف تھی، وکٹ لینا مشکل ہوئی، بالرزکو مختلف پلان کےساتھ آنا پڑا، اس کنڈیشن میں10اور20وکٹیں لیناآسان نہیں ہوتا۔
اس سے قبل قومی کرکٹ ٹیم کے بیٹنگ کوچ محمد یوسف نے پریس کانفرنس میں کہا تھا کہ ملتان ٹیسٹ ففٹی ففٹی نظرآرہا ہے۔
انہوں نے کہا کہ ہر سیشن میں میچ کی صورتحال بدل رہا ہے یہ ہی ٹیسٹ کرکٹ کی خوبصورتی ہے، امام آؤٹ نہیں ہوتا تو معاملہ ففٹی ففٹی نہیں ہوتا۔
