مانچسٹر: انگلینڈ نے آسٹریلیا کو دوسرے ٹی ٹوینٹی میچ میں 6 وکٹوں سے شکست دے کر سیریز اپنے نام کرلی، جوز بٹلر کو میچ کا بہترین کھلاڑی قرار دیا گیا۔
تفصیلات کے مطابق آسٹریلوی ٹیم انگلش سرزمین پر دوسرے ٹی 20 میں بھی ڈھیر ہوگئی، کینگروز نے مقررہ اوورز میں 7 وکٹوں کے نقصان پر 157 رنز بنائے، انگلینڈ نے مطلوبہ ہدف 4 وکٹوں کے نقصان پر 18.5 اوورز میں حاصل کرلیا۔
انگلش اوپنر جوز بٹلر نے 54 گیندوں پر 77 رنز کی ناقابل شکست دھوا دھار اننگز کھیلی، ان کی اننگز میں 8 چوکے اور 2 بلند و بالا چھکے شامل تھے۔
جونی بیرسٹو 9 رنز بنا کر مچل اسٹارک کا نشانہ بنے، ڈیوڈ ملان نے 42 رنز کی ذمہ دارانہ اننگز کھیلی، ٹام بینٹن دو رنز بنا کر چلتے بنے، کپتان مورگن 7 رنز پر ایڈم زمپا کا شکار بنے۔
6️⃣ to win?
🎥 This is how Jos Buttler does it 💥 pic.twitter.com/5x9NV3GBaG
— ICC (@ICC) September 6, 2020
آسٹریلیا کی جانب سے ایشٹن اگر نے دو کھلاڑیوں کو پویلین کی راہ دکھائی، اسٹارک اور زمپا نے ایک، ایک وکٹ حاصل کی۔
اس سے قبل آسٹریلیا نے مقررہ اوورز میں 157 رنز بنائے تھے اور انگلینڈ کو جیت کے لیے 158 رنز کا ہدف دیا تھا، اوپنر ڈیوڈ وارنر بغیر کوئی رن بنائے آرچر کا نشانہ بنے، کپتان ایرون فنچ کی 40 رنز کی اننگز میں بھی ٹیم کو شکست سے نہ بچاسکی۔
الیکس کیری 2 اور اسٹیو اسمتھ 10 رنز بنا کر پویلین لوٹ گئے، میکسویل 26 اور ایشٹن اگر 23 رنز بناسکے۔
انگینڈ کی جانب سے کرس جارڈن نے دو کھلاڑیوں کو آؤٹ کیا، عادل رشید اور مارک ووڈ کے حصے میں ایک، ایک وکٹ آئی۔
واضح رہے کہ انگلش ٹیم نے پہلے ٹی ٹوینٹی میچ میں بھی آسٹریلیا کو سنسنی خیز مقابلے کے بعد شکست دی تھی۔
