گوہاٹی: انگلینڈ نے وارم اپ میچ میں بنگلہ دیش کو 4 وکٹوں سے باآسانی شکست دے دی۔
گوہاٹی میں انگلینڈ اور بنگلہ دیش کا میچ بارش کی وجہ سے 37 اوورز تک محدود کیا گیا، بنگلہ دیش نے 37 اوورز میں 9 وکٹوں کے نقصان پر 188 رنز بنائے، انگلینڈ کو ڈک ورتھ لوئس میتھڈ کے تحت 197 رنز کا ہدف ملا جسے انگلینڈ نے 6 وکٹوں کے نقصان حاصل کرلیا۔
معین علی نے 39 گیندوں پر 56 رنز کی برق رفتار اننگز کھیلی، جوز بٹلر 30 اور جونی بریسٹو 34 رنز کے ساتھ نمایاں رہے۔
Defending Champions England produce a thorough all-round performance in their #CWC23 warm-up clash against Bangladesh
#ENGvBAN: https://t.co/1iVNogbADd pic.twitter.com/rKv5Ir1tzc
— ICC (@ICC) October 2, 2023
بنگلہ دیش کی جانب سے مستفیض الرحمان نے دو وکٹیں حاصل کیں، حسن محمود اور شرف الاسلام نے ایک، ایک وکٹ حاصل کی۔
اس سے قبل بنگلہ دیش نے 37 اوورز میں 9 وکٹوں کے نقصان پر 188 رنز بنائے تھے۔
مہدی حسن مراز نے 74 رنز کی اننگز کھیلی تھی، تنزید حسن 45 رنز بنا کر نمایاں رہے تھے، مشفیق الرحیم 8 اور محمود اللہ 18 رنز بنا کر آؤٹ ہوئے۔
انگلینڈ کی جانب سے ریس ٹوپلی نے تین کھلاڑیوں کو پویلین کی راہ دکھائی، ڈیوڈ ویلی اور عادل راشد نے دو، دو وکٹیں حاصل کیں۔
واضح رہے کہ ورلڈ کپ کے پہلے میچ میں انگلینڈ اور نیوزی لینڈ کی ٹیمیں مدمقابل آئیں گی۔