کراچی: تیسرے ٹی 20 میچ میں انگلینڈ سے شکست کے بعد فاسٹ بولر محمد عامر نے شان مسعود کی بیٹنگ کی تعریف کردی۔
انگلینڈ نے تیسرے ٹی ٹوئنٹی میچ میں پاکستان کو با آسانی 63 رنز سے شکست دیتے ہوئے سیریز میں 1-2 برتری حاصل کرلی۔
انگلینڈ کے 222 رنز کے جواب میں پاکستان 8 وکٹوں کے نقصان پر 158 رنز بناسکی، شان مسعود66اورخوشدل شاہ29رنزبناسکے،اس کے علاوہ کوئی بھی پاکستانی بیٹر خاطر خواہ کارکردگی نہ دکھا سکا۔
قومی ٹیم کی شکست کے بعد فاسٹ بولر محمد عامر نے شان مسعود کی بیٹنگ کی تعریف کرتے ہوئے لکھا کہ ’جیتنا یا ہارنا کھیل کا حصہ اچھا کھلاڑی کسی بھی نمبر پر بیٹنگ کرسکتا ہے یہ آج شان مسعود نے ثابت کردیا۔
wining or losing its a part of game but good player can bat on any number today @shani_official proved that 👍 👌.
— Mohammad Amir (@iamamirofficial) September 23, 2022
واضح رہے کہ تیسرے ٹی 20 میں ہیری بروک کو شاندار 81 رنز کی اننگ کھیلنے پر میچ کا بہترین کھلاڑی قرار دیا گیا۔
پاکستان اور انگلینڈ کے درمیان سیریز کا چوتھا ٹی 20 میچ اتوار کو نیشنل اسٹیڈیم کراچی میں کھیلا جائے گا۔
