انگلینڈ کی ٹیسٹ ٹیم کے کپتان بین اسٹوکس کا کپڑوں سے بھرا بیگ چوری ہوگیا جس پر انہوں نے سوشل میڈیا پر شدید غصے کا اظہار کردیا۔
غیر ملکی میڈیا رپورٹس کے مطابق انگلش رگبی ٹیم کا فرانس کے خلاف میچ دیکھنے کے لیے کاؤنٹی کمبریا میں واقع اپنے گھر سے لندن کے سفر کے دوران کنگز کراس اسٹیشن پر بین اسٹوکس کا کپڑوں سے بھرا بیگ چوری ہو گیا۔
اپنا بیگ چوری ہونے پر انگلش کپتان بھڑک اٹھے اور اپنا سارا غصہ سوشل میڈیا پر نکال دیا۔
بین اسٹوکس نے سماجی رابطوں کی ویب سائٹ ٹوئٹر پر اپنے ٹویٹ میں شدید غصے کا اظہار کرتے ہوئے کہا کہ کنگز کراس اسٹیشن پر جس نے بھی میرا بیگ چوری کیا ہے میں امید کرتا ہوں کہ میرے کپڑے اس کے لیے بہت بڑے ہوں گے۔
To who ever stole my bag at King’s Cross train station.
I hope my clothes are to big for you ya absolute ****** 😡— Ben Stokes (@benstokes38) March 12, 2023
