The news is by your side.

Advertisement

انگلینڈ کی کرکٹ ٹیم جلد پاکستان کا دورہ کرے گی، ڈاکٹرکرسٹین ٹرنر

مانچسٹر : پاکستان میں تعینات برطانوی ہائی کمشنر ڈاکٹر کرسٹین ٹرنر نے کہا ہے کہ میئر آف مانچسٹر اگلے سال وفد کے ساتھ پاکستان کا دورہ کرینگے جبکہ جلد انگلینڈ کی کرکٹ ٹیم  بھی پاکستان میں کھیلنے جائے گی۔

ان خیالات کا اظہار انہوں نے مانچسٹر میں پریس کانفرنس سے خطاب کرتے ہوئے کیا، پاکستان میں تعینات برطانوی ہائی کمشنر ڈاکٹر کرسٹین ٹرنر کا کہنا تھا کہ پاکستان میں سیکیورٹی صورتحال بہتر ہے۔

ڈاکٹر کرسٹین ٹرنر نے کہا کہ یورپی یونین سے انخلا کے بعد برطانیہ کو مزید ٹریڈ پارٹنرز کی ضرورت ہے، پاکستان برطانیہ کے ٹاپ 3 ٹریڈ ممالک میں سے ہے، دونوں ممالک میں اس وقت 3.3 بلین پاؤنڈز کی تجارت ہے۔

ہائی کمشنرکرسٹین ٹرنر کا کہنا تھا کہ برطانیہ نے پوائنٹس پالیسی متعارف کی ہے، پاکستان اور برطانیہ کے درمیان تجارت کا حجم دگنا کریں گے کیونکہ برطانیہ میں ہر سال 4 لاکھ پاکستانی سیاح آتے ہیں۔

fb-share-icon0
Tweet 20

Comments

comments

یہ بھی پڑھیں