The news is by your side.

Advertisement

انگلینڈ کا پاکستان کیخلاف ٹی ٹوینٹی سیریز کے لیے اسکواڈ کا اعلان

ساؤتھمپٹن: انگلینڈ نے پاکستان کے خلاف ٹی ٹوینٹی سیریز کے لیے 14 رکنی اسکواڈ کا اعلان کردیا۔

تفصیلات کے مطابق انگلینڈ کرکٹ بورڈ نے پاکستان کے خلاف تین ٹی ٹوینٹی میچز کی سیریز کے لیے 14 رکنی اسکواڈ کا اعلان کردیا، انگلش ٹیم کی قیادت اوئن مورگن کریں گے۔

پاکستان اور انگلینڈ کے درمیان تین ٹوینٹی میچز کی سیریز 28 اگست سے شروع ہوگی، اولڈ ٹریفورڈ میں تینوں ٹی ٹوینٹی بغیر تماشائیوں کے کھیلے جائیں گے۔

انگلش اسکواڈ میں اوئن مورگن (کپتان)، معین علی، جوناتھن بیئرسٹو، ٹام بینٹن، سیم بلنگز، جو ڈینلی، ٹام کرن، لوئیس گریگوری، کرس جارڈن، ثاقب محمود، ڈیوڈ ملان، عادل رشید، ڈیوڈ ولی اور جیسن روئے شامل ہیں۔

پاکستان اور انگلینڈ کے درمیان پہلا ٹی ٹوینٹی 28 اگست، دوسرا 30 اگست اور تیسرا ٹی ٹوینٹی یکم ستمبر کو کھیلا جائے گا۔

دوسری جانب پاکستان کے سابق بولنگ کوچ اظہر محمود ٹی ٹوینٹی سیریز کے لیے انگلیںڈ کے کوچنگ اسٹاف میں شامل ہوں گے، وہ سیریز کے لیے بولنگ کوچ جون لوئیس کی معاونت کریں گے۔

انگلش کرکٹ بورڈ کے مطابق ان کی تقرری فی الحال پاکستان کیخلاف سیریز کیلئے ہے۔

یاد رہے کہ 143 ون ڈے اور 21 ٹیسٹ میچز میں پاکستان کی نمائندگی کرنے والے اظہر محمود 2016 سے 2019 تک پاکستان ٹیم کے بولنگ کوچ رہ چکے ہیں۔

Comments

یہ بھی پڑھیں