انگلش ٹیم کے کپتان جوز بٹلر نے کپتانی سے استعفیٰ دے دیا۔
انگلش کھلاڑی جوز بٹلر نے کہا کہ کپتانی چھوڑ رہا ہوں، جنوبی افریقا کے خلاف میچ میں آخری بار ٹیم کی قیادت کروں گا۔
جوز بٹلر نے کہا کہ ٹیم کی 2 شکستوں کے بعد یہ فیصلہ لیا ہے، انگلینڈ کرکٹ ٹیم کا بہتر مستقبل چاہتا ہوں، میں بطور کھلاڑی ٹیم کے لیے دستیاب ہوں۔
ان کا کہنا تھا کہ ان کی کپتانی میں انگلینڈ کرکٹ ٹیم کے نتائج مایوس کن رہے۔جوز بٹلر کا کہنا تھا کہ وہ اپنی کرکٹ پر فوکس کرنا چاہتے ہیں۔
واضح رہے کہ چیمپئنز ٹرافی میں آخری گروپ میچ جنوبی افریقا اور انگلینڈ کے مابین کھیلا جائے گا۔
چیمپئنز ٹرافی میں انگلینڈ کے آسٹریلیا کے ہاتھوں شکست ہوئی تھی جبکہ افغانستان نے بھی سنسنی خیز مقابلے کے بعد انگلینڈ کو ہرا کر ایونٹ سے باہر کردیا تھا۔
