site
stats
کھیل

دورہ انگلینڈ میں شامل سائیڈ میچ میں محمد عامر کی تباہ کن بولنگ

لندن : دورہٌ انگلینڈ میں شامل سائیڈ میچ میں پاکستانی بولر محمد عامر نے میدان میں اترتے ہی تباہی مچادی۔ سمرسیٹ کی ٹیم ایک سو اٹھائیس رنز پر ڈھیر ہوگئی، دوسری اننگز میں پاکستان نے چار وکٹ پر ایک سو چالیس رنز بنالیے۔

POST 1

تفصیلات کے مطابق پانچ سال کی پابندی کے بعد محمد عامر نے ٹیسٹ کرکٹ میں بھی تہلکہ مچادیا، عامر نے دورہ انگلینڈ میں پہلی وکٹ سابق انگلش اوپنر مارکس ٹیرس کوتھک کی اڑائی، سمرسیٹ کیخلاف ٹور میچ میں عامر کی تباہ کن بولنگ نے حریف بلے بازوں کو ہتھیار ڈالنے پر مجبور کردیا۔

POST 2

عامر نے شانداراسپیل کی بدولت ابتدائی چار میں سے تین کھلاڑیوں کو آؤٹ کیا اور سمرسیٹ کی کمر توڑ دی، سہیل خان بھی بھرپور فارم میں تھے، عامر کا ساتھ دیا اور تین وکٹیں لے اڑئیں، راحت علی اور یاسر شاہ نے دو دو وکٹیں حاصل کیں، سمرسیٹ کی پوری ٹیم ایک سو اٹھائیس رنز پر ڈھیر ہوگئی۔

POST 3

اس سے قبل پاکستان نے پہلی اننگز آٹھ کھلاڑی آؤٹ تین سوانسٹھ رنز پر ڈیکلیئر کردی تھی، یونس خان نے سنچری بنائی اورایک سو چاررنز بناکر آؤٹ ہوئے جبکہ شان مسعود اور اسد شفیق نے نصف سنچریاں بنائی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top